د کندوز پوهنتون استادانو او سيکټوري ریاستونو سره د مالیاتي ظرفیت لوړوني په موخه ناستي وسوې
د مرغومي ۲۴مه، ۱۴۰۴هـ.ل
د مالیې وزارت د عوایدو لوی ریاست له لوري د کندوز پوهنتون د بېلابېلو پوهنځیو استادانو او د سيکټوري ریاستونو استازو ته د افغانستان د مالیاتي نظام او د مالیاتو د تحصیل بهیر په اړه معلوماتي سیمینارونه په دوو جلا غونډو کي ترسره سول.
په همدې اړه جوړو سويو جلا غونډو کي د مالیاتو په برخه کي د پوهنتون استادانو د ظرفیت لوړوني پر اهمیت، د مالیاتي سیسټمونو د مؤثري کاروني او په ټوله کي د مالیاتو په برخه کي د عامه پوهاوي سیمینارونو پر دوام خبري وسوې.
ورپسې د عوایدو لوی ریاست استازو له لوري د یوه معلوماتي پرزینټېشن په ترڅ کي تر فتحي وروسته د مالیاتي معافیتونو او تخفیفونو، د افغانستان د مالیاتي نظام، د مالیې ډولونو، د مالیې د تحصیل بهیر، د مالیه ورکوونکو د حقوقو او مکلفیتونو، د مالیاتي نظام د پیاوړتیا په برخه کي د پوهنتون د استادانو او محصلانو پر رول، د غیرمالیاتي عوایدو د ترلاسه کولو پر څرنګوالي، په ټایس سیسټم کي د قراردادونو د ثبت پر لارو چارو، د موضوعي مالیاتو وضع کولو پر نورمونو او د مالیاتي پروسیجرونو په اړه بشپړ معلومات وړاندي سول.
په پای کي د ګډونوالو پوښتني ځواب او د هغوی نظریات، وړاندیزونه او طرحي یاداښت سوې؛ تر څو په راتلونکي کي مالیه ورکوونکو ته د اسانتیاوو د رامنځته کولو په موخه وکارول سي.
