د خوست د محصولي ګمرک لیلیه ګټي اخیستني ته وسپارل سوه!
پنجنشنبه د کب مه ۱۴۰۳هـ.ل
د مالیې وزارت د ګمرکونو لوی ریاست له لوري د (۱۵.۴) میلیونه افغانیو په ارزښت د خوست په محصولي ګمرک کي د کارکوونکو له پاره لیلیه جوړه او ګټي اخیستني ته وسپارل سوه.
دغه لیلیه په معیاري ډول په دوه پوړونو کي جوړه سوې ده، چي د (۲۰) خونو (۱۲) عصري حمامونو، (۱۲) تشنابونو، یوه پخلنځای او نورو اړینو امکاناتو درلودونکي ده، چي له ګټي اخیستني سره به ئې د یاد ګمرک کارکوونکو ته ګڼي اسانتیاوي برابري سي.
د یادي پروژې لګښت د مالیې وزارت له پراختیایي بودیجې څخه ورکول سوی او چاري ئې په (۱۵) میاشتو کي د یوه افغاني شرکت له لوري بشپړي سوي دي.
د یادوني وړ ده، چي د ګمرکونو لوی ریاست تېره ورځ د فراه ولایت د ابو نصر فراهي ګمرک لیلیه هم له جوړولو وروسته ګټي اخیستني ته وسپارله.
