د مالیې وزارت یو شمېر ریاستونو ته نوي رئیسان ور معرفي سول

د ا.ا.ا د مالیې وزارت له اداري سیاست او د مشرتابه له هدایت سره سم د اداري او اجرائي چارو د پرمخ وړلو او کارونو د ځنډ د مخنیوي په موخه د دې وزارت یو شمېر ریاستونو ته د مسؤلانه خدمتونو وړاندې کولو په موخه سرپرست رئیسان ور معرفي سول، چي شهرت يې په لاندي ډول دئ:

۱- معراج محمد معراج (د ماسټرۍ مدرک په لرلو) د عوایدو عمومي ریاست د سرپرست په توګه؛

۲- نصرالله درانی د (NTA) له لارښود سره سم د عوایدو عمومي ریاست د سلاکار په توګه؛

۳- عبداللطیف خادم (د ماسټري سند په لرلو) د داخلي تفتیش عمومي ریاست د سرپرست په توګه؛

۴- مسیح الله فرخ د (NTA) له لارښود سره سم د کورنۍ پلټنې عمومي ریاست د سلاکار په توګه؛

۵- منصورالحق ذاکر د لغمان ولایت مستوفیت د سرپرست په توګه؛

۶- ابراهیم (د حقوقو لیسان په لرلو) د ګمرکونو د قانون تنفیذ ریاست د سرپرست په توګه؛

۷- عبدالروف اسدي د (NTA) له لارښود سره سم د ګمرکونو د تنفیذ قانون ریاست د سلاکار په توګه دې وزارت او کارکوونکو ته ور وپېژندل شول.

د ا.ا.ا له لوري د اړینو پرېکړو پر بنسټ دغو ریاستونو او نورو ادارو ته مسلکي او ژمن کسان ور معرفي سول، ترڅو ورځنۍ چاري په ښه توګه مخته ولاړې سي.