د روان مالي کال وري په میاشت کي د هیواد په ګمرکونو کي د تر سره سوو فعالیتونو تخنیکي ارزونه وسوه!
د ګمرکونو لوی رئیس الحاج مفتي عبدالمتین سعید په مشرۍ د روان (۱۴۰۳مالي کال) د وري په میاشت کي د هیواد په ګمرکونو کي د ترسره سوو فعالیتونو د تخنیکي ارزوني په موخه ناسته وسوه.
په دې ناسته کي د ګمرکونو لوی ریاست مرستیالانو، یو شمېر رئیسانو، آمرینو او د ویډیو کنفرانس له لاري د ولایتي ګمرکونو مسؤلینو ګډون کړی وو.
په پیل کي د ګمرکونو لوی رئیس ګډونوالو ته ښه راغلاست ووایه او کارکوونکو ته ئې د وړتیا لوړولو، په خپل وخت سره شته ستونزوته د رسېدلو، په سمه توګه د اړوندو چارو د تر سره کولو او په ځینو نورو برخو کي ئې د ولایتي ګمرکونو مسؤلینو ته لازمي سپارښتني وکړې.
د ګمرکونو لوی ریاست د پلان جوړوني، پالیسۍ، څارني او ارزوني رئیس محمد وسیم عثمان له لوري د (۱۴۰۳ مالي کال) د وري په میاشت کي په ګمرکونو کي د تر سره سوو فعالیتونو په تړاو ټولیز راپور وړاندي سو او همدا راز په دې موده کي د عوایدو د راټولېدو، د هیواد په ټولو ګمرکونو کي د تر سره سوي سوداګرۍ، د وارداتي توکو ګمرکي ارزښت او د سوداګریزو محمولو د شمېر او ثبت سوي وزن په اړه ګډونوالو ته بشپړ معلومات ورکړل سول.
د ولایتي ګمرکونو مسؤلینو هم په خپل وار سره په خپلو اړوندو کاري برخو کي د شته ستونزو یادونه وکړه، چي د ګمرکونو لوی ریاست د رهبرۍ له لوري ئې د ژر حل کېدو ډاډ ورکړل سو.