د ټاپي پروژه د افغانستان لپاره ملي او د شکيلو هیوادونو لپاره حیاتي ارزښت لري

admin_mof
چهارشنبه ۱۴۰۰/۱۰/۲۲ - ۱۶:۹
خبر

دغه څرګندوني د مالیې وزیر الحاج ملا هدایت الله بدري د ترکمنستان د بهرنیو چارو وزارت له مرستیال وپا حاجیف (Wepa Hajyyev) سره د ليدني پرمهال وکړې.

په دې کتنه کي په افغانستان کي د ترکمنستان سفیر حجه اوزوف (Hoja Ovezov) د ټاپي پروژې رئیس محمد میرات امانوف (Mohammetmyrat Amanov) ورسره مل پلاوي او د مالیې وزارت یو شمېر لوړ پوړو مسؤلینو ګډون کړی وو، چي پرمهال يې دواړو لوریو په افغانستان کي د ټاپي پروژې پر عملي پیلېدو چي څو پړاوونه لري خبري وکړې. ددې پروژې لومړی پړاو د هرات ولايت له تورغونډۍ څخه پیل بيا تر ګذرې ولسوالۍ پوري غځيږي. په ليدنه کي د پروژې پر پانګونه چي ۵۸۸ میلیونه ډالره یې د ترکمنستان هیواد له لوري ورکول کيږي، تخنیکي مسایلو او د مځکو د استملاک چارو اړوند هم خبري وسوې، چي سروې به یې ۲۰ ورځي وخت ونیسي. دغه راز د دواړو اړخونو په هوکړه د جنورۍ له ۲۰ نېټې وروسته د تخنیکي چارو او مځکو د استملاک د ارزوني په موخه افغانستان ته د تخنیکي ډلي راتګ او یو شمېر نورو اړوندو مسایلو په تړاو هم بحث او د نظرونو تبادله وسول.

د هيواد دمالیې وزیر یاد پلاوي ته د ښه راغلاست ترڅنګ وویل، چي د ټاپي پروژه د افغانستان او شکيلو هیوادونو لپاره اړینه او ملي پروژه ده، زموږ او ستاسو دواړه وروڼه ملتونه یې پلي کولو او راتلونکو پایلو ته سترګي په لاره دي. الحاج ملا هدایت الله بدري زیاته کړه، چي د افغانستان حکومت په بشپړ ډول د دې پروژې پلي کولو ته ژمن او همکار دی او د پروژې د پلي کولو په بهیر کي به هیڅ راز امنیتي او د نورو همکاریو په برخه کي ستونزه پېښه نه سي، څو دغه پروژه ژر تر ژره پیل سي.

خبر

د یادوني وړ ده، چي په لومړي پړاو کي به ددې پروژې نږدې ۲۰ میلیونه امریکایي ډالره د پروژې په ورڅېرمه سیمو کي په ټولنیزو او رغنیزو چارو ولګول سي.

تازه خبرونه

چهارشنبه ۱۴۰۰/۱۱/۶ - ۲۲:۹
Background image

د ګمرک نړیوالې ورځې په مناسبت د مالیې وزارت د ګمرکونو لوی رئیس د مبارکۍ پیغام

د سلواغې ۶مه چې د ګمرک نړیوالې ورځې سره برابره ده، خپلو ټولو مرکزي او ولایتي همکارانو ته د یادې ورځې مبارکي وایم،

پنجشنبه ۱۴۰۰/۱۰/۳۰ - ۲۲:۲۱
Background image

د (افغانستان د اقتصاد کنفرانس/نوی پیل) تر عنوان لاندې د افغانستان لومړنی اقتصادي کنفرانس ترسره

د(افغانستان د اقتصاد کنفرانس/نوی پیل) تر عنوان لاندې د افغانستان لومړنی اقتصادي کنفرانس تېره ورځ

پنجشنبه ۱۴۰۰/۱۰/۳۰ - ۱۱:۳۷
Background image

مطبوعاتي اعلامیه

د (افغانستان د اقتصاد کنفرانس: نوی پیل) په نامه یو ورځنی کنفرانس د مالیې وزارت په ابتکار د ۲۰۲۲ کال جنوري میاشت په ۱۹مه

BACK TO NEWS