د مالیې وزارت د رهبرۍ پلاوي ناسته ترسره شوه
د مالیې وزارت د رهبرۍ پلاوي ناسته نن د مالیې وزارت سرپرست محمد خالد پاینده په مشرۍ د دغه وزارت په خیبرهال کې ترسره شوه.
په دغې ناسته کې، چې د مالیې وزارت د پالیسې معین نذیر کبیري، د عوایدو او ګمرکونو معین عالم شاه ابراهیمي او ځينو نورو رئیسانو شتون درلود، د مالیې وزارت پالیسۍ معین نذیر کبیري، د څارنې او همغږۍ ګډ بورډ (JCMB) درویشتمې ناستې د بریالۍ ترسره کېدنې په اړه مفصل ګزارش وړاندې او د نړیوالې ټولنې او ډونر هېوادونو د ژمنو ډاډ ورکړ، ورپسې ځینو نورو مسولینو هم د خپلو کړنو اړین توضیحات ورکړل.
د مالیې وزارت سرپرست محمد خالد پاینده، د ګډونوالو غړو کاري ګزارش واورېده او په بودیجه کې له راغلو بدلونونو یې معلومات ترلاسه کړل، همدارنګه د چارو په ترسراوي کې یې د دوی له هڅو مننه وکړه او په ورستیو کې ناسته ته د راغلو غړو او کارکوونکو د ور سپارل شویو چارو په اړه لازمې لارښوونې هم وکړې.
